قصيدة أنا الانسان

بقلم : رباب القاسم

أنا الي الحُزن علمني

جمال الضحكة مهما يكون..
انا المسجون في أحلامي..
وباتعلم بضعفي أكون..
ولو مش لاقي لقمة عيش..
بحاول أعيش..
وببقى ساعات أنا الماجن..
وتلقاني ساعات درويش..
عشان بردو بحاول أعيش..
وبارضا حتى لو تناتيش..

وباخطف من الحياة حتى ولو ثانية..
ماخدتش حاجة مِن الدنيا..
وواجه كل يوم الموت..
وعمري يفوت..
يوم باقاه بطعم الخَل..
ويوم بالقاه بطعم التوت..
لكن اليأس ماعرفش لقلبي طريق..
ولي في الدنيا ألف صديق..

لكن باشعر باني وحيد..
ومحتاج إيد..
تعديني لبر أمان..
مانا الانسان..
وكل الدنيا عنواني..
وببقى كتير بلا عنوان..
لكن باتحدى كل الكون..
مانا المجنون..
عشان الحُزن علمني

جمال الضحكة مهما يكون..